- Detaljer
- Skrevet av Finn Michael Halvorsen
På onsdag vert det arrangert SKISPRELL i staden for vanleg trening i Hauglandsheisen frå klokka 18. Melanie frå Sogn og Fjordane Skikrins kjem og set ekstra kjekke løyper, i tillegg blir det grilling av pølser og saft til alle!
Denne kvelden er åpen for alle, så her er det berre å ta med søsken og vener for ein kjekk kveld i bakken! :)
Det er ingen påmelding, berre å møte opp.
- Detaljer
- Skrevet av Finn Michael Halvorsen
I går, Torsdag 28.02, var det SPV AlpinCup i Bjørkelia. Heile 33 born og unge stilte til start, nokon på sitt aller første renn.
Det vart ein liten sjokolade til alle, og man fikk også ein godkjent deltaking i cupen. Hugs at alle som er med på 3 eller fleire AlpinCup-renn får samanlagdpremie.
Nokon har allereie vore med på 3 renn i år, det er veldig imponerande!
Det er tre renn igjen i cupen: Blomlia 7. mars, Hodlekve 19. mars og finale i Blomlia 24. mars så det er framleis gode moglegheiter for å kvalifisere til samanlagdpremien!
Her finn de samanlagdstilling og meir informasjon om alpincupen:
https://www.skiforbundet.no/sogn-og-fjordane/nyhetsarkiv/2024/2/spv-alpincup-2024/
- Detaljer
- Skrevet av Finn Michael Halvorsen
Søndag 11.02.2024 vart det arrangert storslalåmrenn i Bjørkelia. 39 løparar stilte til start, og man fikk gjennomført to omgangar til tross for litt vind på toppen. Fleire born frå skiskulen stilte i sitt første renn, og det var stor stas å få ein skikkeleg pokal i premie! I dei litt eldre klassane imponerte løparane stort, og det er tydeleg at det er mykje skitalent i området. Det var fleire deltakarar frå andre klubbar, blandt anna Førde og Sogndal, det er alltid kjekt!
Jølster IL Alpin vil takke alle deltakarar for ein flott innsats, samt forleldre og kjente som heia i målområdet, Sparebanken Vest som sponsor av krinsrenna, Sogn og Fjordane skikrins for godt samarbeid og også ein stor takk til Jølster skisenter og våre felles sponsorer.
- Detaljer
- Skrevet av Finn Michael Halvorsen
I kveld vart det arrangert eit strålande SPV Alpincup-renn i storslalåm som trakk til seg over 40 deltakarar, dei yngste heilt ned til 5-årsalderen. Det vart ein flott vinterkveld på Jølster, og forhalda i bakken var fantastiske sjølv om det blei nokon kalde tær!
Alle deltakarar imponerte stort, kanskje spesielt dei yngste som køyrde ned Kvamshenget lett som berre det! Her var det mykje skiglede og meistring, og det er alltid kjekt å sjå.
Jølster IL Alpin vil takke Sparebanken Vest som sponsor av alpincupen, Sogn og Fjordane skikrins for godt samarbeid og også ein stor takk til Jølster skisenter og den fantatastiske jobben som var gjort med prepareing av løypa.
Hugs og at det to skirenn i Sunnfjord i helga:
Slalåmrenn i Blomlia på Laurdag - https://isonen.no/event/clqw3n0wr0l3uo91ovfgkfrwo/
Storslalåm i Jølster på Søndag - https://isonen.no/event/clqw3xwpa0llplizv3z0q9yx7/
- Detaljer
- Skrevet av Finn Michael Halvorsen
Kommande onsdag, 07.02.2024, har Jølster IL Alpin gleden av å invitere til SPV AlpinCup i Kvamsbakken.
Det blir storslalåm i Kvamsbakken, meir informasjon og påmelding skjer via iSonen: https://isonen.no/event/clqw4hobw0lqvlizvzb05srf2/
Dette er eit renn som passar for alle, og vi håpar så mange som mogleg meld seg på!
Vermeldinga seier det blir vindstille, minusgrader og delvis skya så dette blir ein verkelig flott vinterkveld!
- Detaljer
- Skrevet av Finn Michael Halvorsen
Førstkommande torsdag (30. november 2023) blir det klubbkveld hos Intersport Førde (Erdal Sport). Det vil vere 25% rabatt på alt skirelatert utstyr for medlemmar av Jølster Alpin, her blir det høve til å få gode råd og tips på utstyrsfronten.
Intersport loddar også ut ein skihjlem av typen Sweet Protection Switcher MIPS (Ordinær pris. 2699 kr.) blandt alle dei som møter opp. Dette er ein skikkelie kvalitetshjelm med MIPS system, med andre ord ein veldig flott premie!
Intersport har også spesialpris på ein preppepakke for ski, denne inneheld utstyr for filing og preparering av alpinski. I tillegg planlegg vi eit preppekurs i Jølster skisenter i løpet av desember, meir informasjon om dette kjem seinare.
Vi håpar å sjå deg på torsdag, oppmøte frå klokka 17.00. Vel møtt!
- Detaljer
- Skrevet av Finn Michael Halvorsen
Årets alpinsesong er snart i gang, og vi åpnar no for påmelding for nye deltakarar.
Som i fjor vil Jølster IL Alpin i samarbeid med Enivest og Jølster Skisenter tilbyr intensiv skiskule for nybyrjarar i barnebakken på Jølster, Hauglandsheisen, og du meld deg enkelt på ved å klikke her eller i menyen til høgre!
For trening i gruppe A, B og C kan man klikke her for påmelding og meir informasjon!
Nybyrjarkurs:
Vi arrangerer som i fjor skiskule for nybyrjarar og born med oppstart i januar. Skiskulen går over 6 økter fordelt på måndagar og onsdagar gjennom tre veker. Målet er at borna skal oppnå grunnleggjande ferdigheter i bakken slik at dei føler seg trygge. Det vært fokus på god svingteknikk og balanse gjennom leik i bakken. I år legg Jølster Skisenter tilrette for aktivitet i barnebakken med gratis heiskort.
Alle som deltek på vår skiskule kan fortsette på treningane til Jølster IL Alpin resten av sesongen, dersom dei ynskjer det etter at skiskulen er ferdig. Det er diplom til alle som deltar på skiskulen.
PS: Det vil komme tilbod om kjøp av sesongkort til aktive til kampanjepris i løpet av desember.
Side 2 av 11
